Narkotiklərin dövriyyəsində təqsirləndirilən sabiq polis mayoru Tural Mahmudova hökm oxunub. O, 1 il 4 ay 18 gün azadlığın məhdudlaşdırılması (elektron qolbaq) cəzasına məhkum edilib. Bu haqda martın 24-də APA məlumat yayıb.
Bununla yanaşı, onun barəsində “başqa yerə getməmək haqqında iltizam” qətimkan tədbiri seçilib və məhkəmə zalından azadlığa buraxılıb.
Vətəndaş rayon polis şöbələrindən birində narkotiklərlə mübarizə bölməsində əməliyyat müvəkkili kimi fəaliyyət göstərib. 2018-ci ildə isə öz ərizəsi ilə daxili işlər orqanlarından xaric edilib.
O, 25 may 2021-ci ildə metamfetamini üzərində daşıyarkən saxlanılıb. T. Mahmudov “külli miqdarda narkotik vasitə əldə etmə və satma” maddəsilə ittiham edilib.
