Mikro, kiçik və orta sahibkarlar üçün biznes sahəsində biliklərin artırılması məqsədi ilə video təlim platfoması yaradılıb. Bu barədə 5 oktyabr tarixində Kiçik və Orta Biznesin İnkişafı Agentliyi məlumat verib.
Platformada biznesə başla, yumşaq bacarıqlar, korporativ hüquq, layihə idarəetməsi, maliyyə, satış, marketinq, turizm, ixrac prosesinin təşkili istiqamətləri üzrə 180 təlim videosu mövcuddur. Həmçinin istifadəçilər platformada yerləşdirilən testlər vasitəsi ilə biliklərini qiymətləndirə bilərlər.
Video təlimlərdən yararlanmaq üçün www.kobim.az saytında qeydiyyatdan keçmək lazımdır. Təlimlərdən istifadə ödənişsizdir.
