Aqrar Xidmətlər Agentliyinin Bitki Mühafizəsi və Fumiqasiya (zərərsizləşdirmə) Mərkəzi tərəfindən 2022-ci ilin mart ayı ərzində 19 min tona yaxın dənli və paxlalı bitkilərin məhsulları, yemlər, texniki yüklər, qurudulmuş meyvələr, 26 m3 meşə materialları, 75 405 m3 saxlanma yeri, 80 m3 yaş meyvə-tərəvəz, 432 min m2 istixana zərərsizləşdirilib. Bu haqda aprelin 5-də Kənd Təsərrüfatı Nazirliyinin saytında məlumat verilib.
Keçirilən tədbirlər nəticəsində idxal olunan məhsullarda zərərvericilərin ölkə ərazisinə daxil olmasının qarşısı alınıb.
Fumiqasiya zərərverici həşəratların və digər zərərli orqanizmlərin məhv edilməsi üçün görülən tədbirlərdir. Bu proses məhsulların becərilməsi, saxlanması, daşınması, satışı və ixracı ilə məşğul olan hüquqi və fiziki şəxslər üçün məcburidir.
Xidmətdən istifadə etmək üçün sahibkarlar Bitki Mühafizəsi və Fumiqasiya Mərkəzinə telefon (012-563-58-45 (daxili:126); 050-644-74-15; 070-965-62-14) və ya poçt ([email protected]) vasitəsilə müraciət edə bilərlər.
