2022-ci ilin əvvəlindən minimum pensiya, müavinət, təqaüd, əməkhaqqı və sosial yardımlar artacaq. Bunu 3 dekabr tarixində əmək və əhalinin sosial müdafiəsi naziri Sahil Babayev müsahibəsində bildirib.
Artım 2 milyondan çox insanı əhatə edəcək. Sahil Babayev, həmçinin əlavə edib ki, 1 milyon 100 mindən çox pensiyaçının pensiyası da gələn ildən indeksasiya nəticəsində artacaq.
Son dörd ildə minimum pensiya artımı 82%, orta pensiya artımı 60% təşkil edib. Müavinətlərdə isə artımlar orta hesabla 2 dəfəyə yaxın olub.
