Son dörd il ərzində minimum əməkhaqqı 2,3 dəfə, orta aylıq əməkhaqqı 37%, əməkhaqqı fondu isə 92% artıb. Bu sözləri əmək və əhalinin sosial müdafiəsi naziri Sahil Babayev media qurumlarının rəhbərləri ilə keçirilən görüşdə söyləyib.
Digər sosial islahatlardan danışarkən o qeyd edib ki, minimum pensiyada 82%, orta aylıq pensiyada 60%, müavinət və təqaüdlərdə orta hesabla iki dəfə artım baş verib
Həmçinin 2018-2021-ci illərdə 152 min şəxsə əlillik dərəcəsi təyin olunub, əlilliyi olan şəxslərə 150 minə yaxın reabilitasiya vasitəsi verilib.
Keçirilən görüş zamanı Sahil Babayev nəzərə çatdırıb ki, postmüharibə dövründə şəhid ailələrinin üzvləri və müharibə əlilləri olan 10351 şəxsə 20644 sosial ödəniş təyin edilib. Şəhid ailələri və müharibə əlillərinə 3 min mənzil və fərdi ev verilməsi nəzərdə tutulub ki, onlardan artıq 2700 mənzil təqdim edilib.
