“Playboy” jurnalına müsahibə verib fotosessiya etdirən Fransanın sosial iqtisadiyyat və ictimai təşkilatlar üzrə dövlət katibi Marlen Şyappa vəzifəsindən uzaqlaşdırılıb. Bu barədə İnsanoid Fransa mətbuatına istinadən bu gün 21 iyul tarixində xəbər verir.
Şyappanın "Playboy"un üz qabığında göründüyü üçün vəzifəsindən azad edildiyi deyilir.
Aprel ayında Baş nazir Elizabet Born jurnalın təklifini qəbul etdiyi üçün Şyappanı cəzalandırıb. “Le Figaro” qəzetinin yazdığına görə, Born dövlət katibinə zəng edərək onun müsahibəsinin bugünkü sosial kontekstə qətiyyən uyğun olmadığını deyib.
Dövlət katibi bu addımını hər yerdə qadınların hüquqlarını müdafiə etməsi ilə izah edib.
Ötən gün Makron hökumətində kadr dəyişiklikləri açıqlanıb. Səhiyyə və təhsil nazirləri, sosial və həmrəylik üzrə dövlət katibi vəzifələrinə yeni təyinatlar olub. Bu gün Emmanuel Makron yeni hökumətin üzvləri ilə ilk iclas keçiriləcək.
[caption id="attachment_122735" align="alignnone" width="696"]
Foto açıq mənbədən[/caption]
