Salyanda su quyuları quruyub. Bu barədə Report 18 iyul tarixində xəbər verib.
Salyan şəhərində hər iki evdən birinin həyətində su quyusu mövcuddur.
Sakinlər bildirirlər ki, dərinliyi 10-15 metr arasında olan su quyularından bağlardakı meyvə ağaclarının suvarılmasında, məişətdə daim istifadə ediblər.
Bu, o deməkdir ki, quyular onların gündəlik həyatında mühüm rol oynayıb.
Sakinlər onu da bildiriblər ki, analoji hadisə ilk dəfədir. Vəziyyətin bu həddə çatması hər kəsin ciddi narahatlığına səbəb olub.
Ekoloqların fikrincə, son illər Kür çayında suyun səviyyəsinin minimum həddən aşağı düşməsi su quyularının da qurumasına gətirib, çıxarıb.
Onlar hesab edirlər ki, Kür çayında suyun tənzimlənməsi məqsədilə vaxtında qabaqlayıcı tədbirlər görülməsə, vəziyyət günü-gündən pisləşəcək.
