Salyanın Babacanlı qəsəbəsi və Kür Qaraqaşlı kəndinin elektrik şəbəkəsi yenidən qurulub. Bu, “Azərişıq” ASC tərəfindən 2022-ci ildən etibarən regionlarda start verilən layihə çərçivəsində edilib. Məlumat aprelin 19-da qurumun saytında yerləşdirilib.
Qeyd edilib ki, oradakı ötən əsrin 50-60-cı illərində qurulmuş enerji təsərrüfatı artıq yararsız vəziyyətdə idi. 1 171 abonenti olan bu iki yaşayış məntəqəsində elektrik sayğacları dəyişdirilib.
Adıçəkilən ərazilərlə yanaşı bu işlər Salyanın Beşdəli, Cəngən, Xocalı və Qardaşbəyli kəndlərində də həyata keçiriləcək.
