Salyan rayonunda fərdi yaşayış evində yanğın olub. Nəticədə 2 nəfər ölüb. Bu haqda martın 12-də Report məlumat yayıb.
Hadisə rayonun Aşağı Kürkəndi kəndində qeydə alınıb. Evə baxış zamanı ev sahibi, 1953-cü il təvəllüdlü Əliyev Əliyar Alı oğlu və onun həyat yoldaşı, 1954-cü il təvəllüdlü Əliyeva Elmira Mirzə qızının meyiti aşkar olunub.
Əliyar Əliyev Salyan rayon Suvarma Sistemləri idarəsində baş mühasib işləyirdi. Qeyd edək ki, 5-6 il bundan öncə ölən ər və arvadın evinə basqın olmuşdu. Naməlum şəxs və ya şəxslər tərəfindən döyülən ər və arvad xəstəxanaya yerləşdirilmişdi.
