Salyanda 21 yaşlı qızın intihar etməsinin təfərrüatı məlum olub. O, nişanının qaytarılacağı üçün özünə qəsd edib. Bu haqda dekabrın 14-də Report məlumat yayıb.
Belə ki, Ərəbqardaşbəyli kənd sakini yaşadığı evin həyətindəki tövlədə özünü asaraq intihar edib. Mərhum əvvəllər nişanlı olub və oğlanın qısqanc olmasına görə qızın ailəsi nişanı qaytarıb. Qohumlarının sözlərinə görə, sözügedən şəxsə başqa bir elçi düşüb və o, ikinci dəfə nişanlanıb. Lakin qızın əvvəllər nişanlı olması indiki nişanlısının ailəsindən gizlədilib.
“Hadisənin üstü açılandan sonra qızın ikinci dəfə nişanının qaytarılacağı barədə söz-söhbət yayılıb. Bütün olanların gərginliyini yaşayan qız çıxış yolu kimi özünə qəsd edib”, - deyə gəncin yaxınlarından biri söyləyib.
Qeyd edilib ki, mərhumun cibindən “Mənim ölümümdə heç kəs günahkar deyil" yazılı məktub çıxıb.
Faktla bağlı araşdırma aparılır.
