Salyanda həyətində olan iki istixanada narkotik tərkibli bitkilər yetişdirən şəxs həbs edilib. Bu haqda aprelin 18-də APA məlumat yayıb.
Belə ki, keçirilən əməliyyat zamanı narkotik tərkibli bitkiləri əkib-becərməkdə şübhəli bilinən Kərimbəyli kənd sakini saxlanılıb. Onun yaşadığı ünvana baxış keçirilib.
Nəticədə həmin şəxsin həyətində olan iki istixanadan 250 kiloqram olan 1068 ədəd çətənə kolu aşkar olunaraq götürülüb.
Faktla bağlı cinayət işi açılıb.
Ötən il ölkədə 31 mindən çox cinayət hadisəsi qeydə alınıb. Onlardan 8571-i narkotik vasitələrin dövriyyəsi ilə əlaqədar olub. Bu, 2020-ci ilin göstəricisindən 1,6 dəfə çoxdur.
