Salyanda oğurluq və soyğunçuluqla məşğul olan üç nəfər saxlanılıb. Bu barədə APA aprelin 1-də məlumat yayıb.
Rayonun Kərimbəyli kəndi ərazisində yerləşən evlərin birindən ümumi dəyəri 4 000 manat olan dəmir boru və lövhələr oğurlanıb. Oğurluğu edən rayon sakinləri Orxan Hüseynov və Röyal Səmədov saxlanılıb.
Digər bir əməliyyat tədbiri nəticəsində isə bir qadına qarşı zor tətbiq edərək əlində olan 380 manat pulu soyğunçuluq yolu ilə ələ keçirən, əvvəllər də məhkum olunmuş Pərviz Əhmədov saxlanılıb.
Onun üzərindən metamfetamin aşkarlanaraq götürülüb.
Faktlarla bağlı cinayət işləri başlanılıb, saxlanılan şəxslər barəsində həbs qətimkan tədbirləri seçilib.
