Mədəniyyət Nazirliyin tabeliyində olan Mədəni İrsin Qorunması, İnkişafı və Bərpası üzrə Dövlət Xidmətinin keçmiş rəisi Zakir Sultanov mənimsədiyi 5 milyon manatı geri qaytarıb. Bu haqda avqustun 6-da onun vəkili məhkəmədə deyib.
Keçmiş məmur iddiada göstərilən məbləği ödəməyə razılaşıb və vəkilin bildirdiyinə görə, məbləğin 4 milyon manatını nağd olaraq ödəyib. Sabiq xidmət rəisinin 600 min dollarlıq, 130 min, 10 min və 20 min manatlıq həbs qoyulmuş əmlakların da zərərin ödənilməsi üçün hesablanması ilə razılaşıb.
Avqustun 13-dən dövlət xidmətində iddia olunan yeyintilərlə bağlı dindirmələr aparılacaq. Sabiq rəis külli miqdarda mənimsəmə maddəsi ilə ittiham olunur. Bu maddədə 10 ildən 14 ilə qədər azadlıqdan məhrumetmə cəzası nəzərdə tutulub.
