İşsizlikdən sığorta ödənişi iş yerinin bağlanması və ya işçilərin ixtisar olunduğu halda təyin edilir. Sözügedən ödənişin verilməsi üçün işçinin ən azı 1 il sığorta stajı olmalıdır.
Əgər işçinin əmək müqaviləsi bitirsə və onunla yeni müqavilə imzalanmırsa, həmin şəxsə sığorta ödənişinin təyin edilməsi üçün işsizliyin başlanmasından əvvəlki ardıcıl gələn 3 il ərzində ən azı 35 ay sığorta stajı tələb edilir.
Sığorta ödənişinin təyin edilməsi üçün vətəndaş Dövlət Məşğulluq Agentliyinin yerli qurumlarında və ya “DOST” mərkəzlərində qeydiyyatdan keçməlidir. Müvafiq qurum tərəfindən müraciət edən şəxsə 5 iş günü ərzində münasib iş təklif olunmadığı və ya işəgötürən vakansiya üzrə işaxtarana imtina verdiyi halda, sığorta ödənişi təyin edilir.
Sığorta ödənişi sığorta stajından asılı olmayaraq, itirilmiş orta aylıq əməkhaqqının 50%-i məbləğində hesablanır.
İlk dəfə təyin olunan sığorta ödənişinin məbləği ilk 2 ay üçün orta aylıq əmək haqqının 100%, 3-4-cü aylar üçün - 80%, 5-6-cı aylar üçün isə 70% şəkildə ödənilir.
Təkrar müraciət zamanı hər ay üçün bərabər məbləğdə minimum sığorta ödənişi ödənilir.
2021-ci ilin 10 ayı ərzində Dövlət Məşğulluq Agentliyi tərəfindən 3 033 nəfərə işsizlikdən sığorta ödənişi təyin edilib.
