İsmayıllı rayonunda 30 min hektar sahədə payızlıq taxıl əkini proqnozlaşdırılsa da, onun artıq 30 min 103 hektarında səpin aparılıb. Bu barədə 7 dekabr tarixində Rayon Dövlət Aqrar İnkişaf Mərkəzindən Azərtac-a məlumat verilib.
22 138 hektarda buğda, 7 965 hektarda isə arpa əkilib. Rayonun dağlıq və dağətəyi zonalarında payızlıq səpin başa çatıb. Aran zonası olan Qubaxəlilli, Gəraybəyli və Kəlbənd ərazilərində isə əkin davam edir.
Qeyd edək ki, 2020-ci ildə İsmayıllı rayonunda 22 359 hektar sahədə payızlıq və yazlıq buğda, 7 450 hektar sahədə isə arpa əkilib.
