Lahıc qəsəbəsi ərazisində baş verən sürüşmə nəticəsində yola tökülən torpaq və daşlar təmizlənib. Bu haqda aprelin 8-də İsmayıllı Rayon İcra Hakimiyyətindən Report-a bildirilib.
Məlumata görə, avtomobillərin hərəkətinə heç bir maneə yoxdur və gediş-gəliş bərpa olub.
***
12:44
İsmayıllı rayonunda torpaq uçqunu baş verib. Bu barədə 8 aprel tarixində APA məlumat yayıb.
İnsident İsmayıllı-Lahıc-Dəmirçi-Şamaxı avtomobil yolunun keçdiyi Niyaldağ silsiləsində, Lahıc qəsəbəsi ərazisində qeydə alınıb. Belə ki, son bir ayda rayona yağan qar və yağışa görə dağlardan gələn torpaq və daşlar yola tökülüb. Nəticədə avtomobillərin hərəkəti dayanıb.
Bir saatdan çoxdur ki Lahıc, Sərdahar, Müdrüsə, Əhən, Burovdal, Vaşa, Yuxarı Zərnava, Namazgah, Güyüm kəndlərinə gediş-gəliş dayanıb.
Qeyd edilib ki, hal-hazırda əraziyə ağır texnikalar cəlb olunub.
