2021-ci ildə sosial ödənişlər üzrə cəmi xərclər 5 milyard 920 milyon manat olub. Bu sözləri Dövlət Sosial Müdafiə Fondunun İdarə Heyətinin sədri Himalay Məmişov bildirib. Bu haqda 29 dekabr tarixində APA xəbər verib.
Himalay Məmişov məlumat verib ki, 2017-ci illə müqayisədə bu göstərici təxminən 49% artıb.
Belə ki, pensiya xərcləri 40%, müavinət xərcləri 2,1 dəfə, təqaüd xərcləri 4,5 dəfə, artıb. Məcburi dövlət sosial sığorta haqları isə 32% çoxalıb.
Sözügedən dövr ərzində minimum pensiya 110 manatdan 200 manata, orta aylıq pensiya 208 manatdan 331 manata çatıb.
