Son illərdə gənclər xüsusi olaraq rəqəmsal texnologiyalara əsaslanan məhsul və xidmətlərə daha çox meyillidirlər. Bunu Report Kiçik və Orta Biznesin İnkişafı Agentliyin (KOBİA) İdarə Heyətinin sədri Orxan Məmmədova istinadən məlumat verib.
Sədrin sözlərinə görə, KOBİA tərəfindən “Startap” şəhadətnaməsinin verilməsinə başlanılıb. O bildirib ki, “Startap” şəhadətnaməsi sahibkarı 3 il müddətinə əldə etdiyi gəlirlər üzrə mənfəət və gəlir vergisindən azad edir. Həmçinin şəhadətnamə bazara çıxışı asanlaşdırır.
Orxan Məmmədov vurğulayıb ki, bugünədək 27 sahibkarlıq subyektinə şəhadətnamə verilib. Onların 50%-ni gənc startapçılar təşkil edir.
“Startap” şəhadətnaməsini əldə etmək üçün sahibkarın mikro və ya kiçik biznesi olmalıdır. Orta və iri sahibkarlıq subyekti olan təsisçilərin hüquqi şəxsdə payı 49%-dən çox olmamalıdır və onlar rezident vergi ödəyicisi olmalıdırlar.
