Cari ildə ümumilikdə 12154 vakansiya üzrə müsabiqə elan edilib. 3794 nəfər müddətsiz, 5866 namizəd isə müddətli əmək müqaviləsi əsasında işə qəbul olunub. Bu haqda dekabrın 29-da Təhsil Nazirliyi məlumat yayıb.
İşə qəbul edilmiş müəllimlərin 51%-i ucqar kənd məktəblərinin payına düşür. Namizədlərin işə qəbulu prosesi tədris ilinin sonunadək davam edəcək.
Bildirilib ki, 2021-ci ildə 211 nəfər müsabiqə nəticəsinə əsasən məktəb direktoru vəzifəsinə təyin olunub. Bu dövr ərzində keçirilmiş müəllimlərin işə qəbulu müsabiqəsində rekord sayda - 62 242 müraciət qəbul edilib. Ümumilikdə 21 iş gününü əhatə edən imtahanlarda 46 930 namizəd iştirak edib.
