Ermənilərin 44 günlük müharibədə Tərtərə atdığı raket nəticəsində dağılan ev muzey kimi qorunacaq. Bu haqda oktyabrın 5-də Report məlumat yayıb.
“Raket evimizə düşməzdən 5-6 dəqiqə əvvəl evdən çıxaraq sığınacağa doğru hərəkət etmişik. Həmin vaxt evdə 10-12 nəfər idik. Qohumlardan da varıydı, özümüz də 6 nəfərdən ibarət ailəyik. Yenicə evdən çıxmışdıq, bir də gördük ki, böyük bir raket evimizin üstünə düşdü", - deyə evin sahibi bildirib.
Vətən müharibəsi zamanı Tərtərdə ümumilikdə 16 mülki şəxs qətlə yetirilib, 63 nəfər yaralanıb. 82 çoxmərtəbəli yaşayış binasına, 5949 fərdi evə, 184 sahibkarlıq və 301 qeyri-yaşayış obyektinə, 17 məktəbə, 11 uşaq bağçasına, 1 texniki peşə məktəbinə, 1 musiqi məktəbinə, 30 inzibati binaya və 20-yə yaxın mədəniyyət və səhiyyə müəssisəsinə ziyan dəyib.
