Tərtərdə məkəmə binasının qarşısında boşanmaq istəyən həyat yoldaşını qətlə yetirən şəxsə noyabrın 3-də hökm oxunub. Anar Əliyev 9 il 9 ay azadlıqdan məhrum edilib.
Hadisə 2021-ci il 18 iyun tarixində qeydə alınıb. Həmin gün cütlüyün boşanmaq üçün müraciət etdiyi məhkəmənin növbəti iclası keçirilirdi. İclasdan sonra isə zərərçəkmişin əri Tərtər Rayon Məhkəməsinin qabağında ailə münaqişəsi zəminində onu bıçaqlayaraq öldürüb.
Cinayətkar “qəsdən adam öldürmə” və “qanunsuz olaraq silah saxlama, daşıma və gəzdirmə” maddələri ilə ittiham olunub.
Baş Prokurorluğun məlumatına əsasən, bu ilin birinci yarımilliyi ərzində qeydə alınmış adam öldürmə cinayətləri nəticəsində 33 qadın qətlə yetirilib. Vətəndaşlar qadına qarşı zorakılıq halları ilə üzləşdikdə Baş Prokurorluğun “961” Çağrı Mərkəzinə müraciət edə bilərlər.
