Taylandda bir nəfər evindəki tualetdən istifadə edərkən unitazdan çıxan 3,5 metrlik pitonun hücumuna məruz qalıb. Bu barədə İnsanoid Xarici KİV-lərə istinadən xəbər verir.
Taylandda evindəki tualetdən istifadə edən bir kişiyə, unitazdan çıxan piton hücum edib. Thanat adlı ev sahibi, ilanı əlilə tutub çıxarmağa çalışsa da, buna nail ola bilməyib və ilanı tualet fırçası ilə öldürüb.
Qonşuları tərəfindən xəstəxanaya aparılan Thanatın vəziyyətinin yaxşı olduğu bildirilib. Tualetdən çıxarılan 3,5 metrlik ilanın zəhərsiz bir piton növü olduğu müəyyən edilib.
Thanat, açıqlamasında, niyyətinin ilanı öldürmək olmadığını, ancaq hücuma məruz qaldığı üçün qorxduğunu və tezliklə xəstəxanaya getmək istədiyini bildirib.
Zərərçəkənin qan testləri təmiz çıxıb, yalnız dişləmədən dolayı bədənində yara yaranıb.
