Tovuzda “Nazlı bulaq”, Göygöldə “Göygöl” istirahət mərkəzlərindən ətrafa tullantıların atıldığı və çirkabın axıdıldığı məlum olub. Bu barədə 17 avqust tarixində Dövlət Ekoloji Təhlükəsizlik Xidməti məlumat yayıb.
Eyni zamanda Ağcabədi şəhərindəki “Ucuzluq" marketdə yığılan tullantıların yandırıldığı aşkarlanıb.
Faktlarla bağlı “Nazlı bulaq” İstirahət Mərkəzinin icarədarı Akif Məhərrəmov, “Göygöl” İstirahət Mərkəzinin sahibi Məmməd Süleymanov və “Ucuzluq" marketin nümayəndəsi Təbriz İsmayılov barəsində akt, protokol tərtib olunub və qanunamüvafiq tədbirlər görülüb.
Gələcəkdə belə hallara yol verilməməsi üçün hər üç obyektin sahibinə məcburi göstəriş verilib.
