Bugün, dekabrın 20-də Vüqar Həşimov memorialının dördüncü və beşinci turunun oyunları keçiriləcək.
Rapid yarışlarının dördüncü turunda Şəhriyar Məmmədyarov Rauf Məmmədovla üz-üzə gələcəklər. Vüqar Əsədli Macarıstan təmsilçisi Riçard Rapporta, çexiyalı David Navara ABŞ şahmatçısı Fabiano Karunayla, rusiyalı Sergey Karyakin isə hindistanlı Vişvanatan Anandla qarşılaşacaq.
Beşinci turda isə Məmmədyarov - Anand, Əsədli - Navara, Məmmədov - Rapport, Karyakin - Karuana oyunları keçiriləcək.
Üç turdan sonra lider Fabiano Karuanadır. Onun hesabında 8 xal var. Riçard Rapport 7 xalla 2-cidir, 3-5-ci yerləri 5 xalla Rauf Məmmədov, Şəhriyar Məmmədyarov və Sergey Karyakin bölüşürlər. 6-cı yerdə 4 xal yığan David Navara qərarlaşıb. 7-8-ci yerləri 1 xalla sabiq dünya çempionu Vişvanatan Anand və Vüqar Əsədli tutur.
Qeyd edək ki, memoriada şahmatçılar rapid və blits turnirlərində yarışırlar. Dekabrın 21-dək davam edəcək rapid yarışları 7 turdan ibarət olacaq. Dekabrın 22-23-də isə blits yarışları keçiriləcək. Rapid yarışı 15 dəqiqə + 10 saniyə, blits isə 5 dəqiqə + 3 saniyə nəzarət vaxtı ilə təşkil olunur.
