Dünən, dekabrın 20-də Vüqar Həşimov adına şahmat turnirinin dördüncü və beşinci turunun oyunları keçirilib.
Dördüncü turda Rapport Əsədliyə, Karyakin isə Ananda qalib gəlib. Qalan iki qarşılaşmada rapid oyunlarında qalib müəyyənləşməyib və aralarında armageddon oyunları keçirilib. Həmin oyunlarda Məmmədyarov Rauf Məmmədova, Karuana isə Navaraya qalib gəlib.
Beşinci turda Navara Əsədliyə, Rapport isə Məmmədova qalib gəlib. Armageddonda isə Anand Məmmədyarovu, Karyakin isə Karuananı üstələyib.
Beləliklə, 5 turdan sonra Rapport 13 xalla birinci, Karuana 11 xalla ikinci, Karyakin isə 10 xalla üçüncü yerdədir. Bugün rapid üzrə son iki tur oynanılacaq. Dekabrın 22-23-ü isə blits oyunları keçiriləcək.
