Vətən müharibəsi iştirakçılarına “Müharibə veteranı” adı və Prezidentin aylıq təqaüdünün təyinatına başlandı. Bu haqda fevralın 1-də Əmək və Əhalinin Sosial Müdafiəsi Nazirliyi (ƏƏSMN) məlumat verib.
İlkin olaraq Dövlət Təhlükəsizliyi Xidməti və Dövlət Sərhəd Xidmətinin hərbi qulluqçularına “Müharibə veteranı” adı verilib. Həmin hərbçilər barədə məlumatlar ƏƏSMN-in “Zəfər” altsisteminə daxil edilib. Adları altsistemə daxil edilmiş şəxslərə 80 manat məbləğində təqaüd təyin olunub.
Hazırda digər qurumlar (Müdafiə Nazirliyi, Daxili İşlər Nazirliyi, Ədliyyə Nazirliyi, Fövqəladə Hallar Nazirliyi, Səfərbərlik və Hərbi Xidmətə Çağırış üzrə Dövlət Xidməti və s.) üzrə də qeyd olunan adın verilməsi və təqaüd təyinatının aparılması üçün işlər aparılır.
