Ailə başçısını itirməyə görə pensiya, vəfat edənin və ya onun həyat yoldaşının kişi və ya qadın olmasından asılı olmayaraq pensiya yaşını tamamlamış yaxud l və ya ll dərəcəli əlilliyi olan həyat yoldaşına təyin olunur.
Bu barədə İnsanoid.com Əmək və Əhalinin Sosial Müdafiəsi Nazirliyinə istinadən məlumat verir.
Həmçinin vəfat edənin 18 yaşına çatmamış övladlarının, əyani təhsil alan 23 yaşınadək övladlarının, 18 yaşına çatanadək əlilliyi müəyyən olunmuş, 18 yaşından yuxarı əlilliyi olan övladlarının, pensiya yaşına çatmış, yaxud l və ya ll dərəcə əlilliyi olan valideynlərinin də bu pensiyanı almaq hüququ var.
Yaşından və əmək qabiliyyətindən asılı olmayaraq vəfat edənin 8 yaşınadək övladına qulluq etdiyi üçün işləməyən həyat yoldaşına, valideynlərindən birinə, bacı və ya qardaşına, nənə və ya babasına da ailə başçısını itirməyə görə pensiya təyin olunur.
Ögey valideyn ögey övladını azı 5 il tərbiyyə etmiş və saxlamışdırsa doğma valideynlərlə eyni səvviyyədə bu pensiyanı almaq hüququna malikdir.
