Vahid əlaqələndirmə mərkəzlərində ötən dövrdə 6300-dək şəhid ailəsi üzvü və müharibə iştirakçısına xidmət göstərilib. Bu barədə yanvarın 1-də Əmək və Əhalinin Sosial Müdafiəsi Nazirliyi tərəfindən məlumat verilib.
2021-ci ilin avqust ayından başlayaraq şəhər və rayonlar üzrə müxtəlif DOST mərkəzlərində vahid əlaqələndirmə mərkəzləri fəaliyyət göstərir. Sözügedən yerlərdə şəhid ailələrinə, müharibədə yaralanmış hərbçilərə xidmətlər “bir pəncərə” vasitəsilə, operativlik, şəffaflıq, vətəndaş rahatlığı və məmnunluğu prinsipi əsasında göstərilib.
Mərkəzlərdə mərkəzi icra hakimiyyəti orqanları tərəfindən 26 istiqamətdə xidmətlər təqdim edilir.
