İndiyə kimi Ermənistanın təqdim etdiyi mina xəritələrinin dəqiqliyi təxminən 25%-dir. Bu göstərici çox aşağıdır. Bunu dekabrın 12-də xarici işlər naziri Ceyhun Bayramov jurnalistlərə açıqlamasında bildirib.
Onun sözlərinə əsasən, hazırda yeni verilən mina xəritələri mütəxəssislər tərəfindən təhlil edilir və bununla acı faciələrin qarşısı alına bilər.
Qurumun rəhbəri, həmçinin sərhəddə baş verən son hadisələrə münasibət bildirib: “Gərginliklərin yaşanmamasının yeganə yolu sərhədlərin delimitasiyası prosesinin başlanılmasıdır. Lakin qarşı tərəf müxtəlif bəhanələrlə buna imkan verməyib”.
O qeyd edib ki, Ermənistanın zaman-zaman sərhəddə törətdiyi təxribatlar nəticəsində insanlar həlak olur. “Hesab edirik ki, Ermənistan bu əməllərindən əl çəkməlidir”, - deyə nazir vurğulayıb.
