Bu il Xəzərdə suyun səviyyəsi 30 sm enib. Bunu Milli Hidrometeorologiya Xidmətinin rəisi Umayra Tağıyeva mətbuat konfransında deyib.
Xəzər dənizinin səviyyəsi 2005-ci ildən 119 sm düşüb. Nazirlikdən bildirilib ki, gələn ilin mart ayında nazirliyin təşəbbüsü ilə konfrans keçiriləcək və alman mütəxəssislərinin və s. iştirakı ilə bağlı bu istiqamətdə elmi bazanın yaradılması məsələsinə diqqət yetiriləcək.
Xəzər dənizinin səviyyəsinin azalmasına səbəb iqlim dəyişikliyi hesab olunur. Bu gün Xəzərin əsas qida mənbəyi olan Volqa çayının axımında da azalma müşahidə edilir.
Xəzərin XX əsrdə ən aşağı səviyyəsi 1977-ci ildə qeydə alınıb. Sonradan qısa dövrdə, yəni 1977-1995-ci illər ərzində 2,5 metr artıb və sonrakı illərdə yenidən azalma müşahidə olunmağa başlayıb. 2005-ci ildən etibarən Xəzərin səviyyəsində enmə müşahidə olunur.
