Xəzər dənizinin Xaçmaz rayonu Niyazoba kəndi sahillərində kişi meyiti aşkarlanıb. Bu barədə Report 22 iyul tarixində xəbər verib.
Araşdırmalar zamanı onun Xaçmaz şəhər sakini, 41 yaşlı Asif Ağayev olduğu müəyyənləşib.
Kənd sakinlərinin dediyinə görə, A.Ağayev ruhi-əsəb xəstəliyindən əziyyət çəkirmiş.
Onun meyiti müayinə olunması üçün Səhiyyə Nazirliyinin Məhkəmə-Tibbi Ekspertiza və Patoloji Anatomiya Birliyinin Xaçmaz rayon şöbəsinə təhvil verilib.
Faktla bağlı araşdırma aparılır.
