Xocavənd rayonunun işğaldan azad edilən ərazilərində polis tərəfindən ermənilərin ataraq qaçdığı silah-sursat aşkar edilib. Bu barədə Daxili İşlər Nazirliyi oktyabrın 20-də məlumat yayıb.
Belə ki, 2 “Strela-3” daşınan zenit-raket kompleksi, 2 “Faqot”, 1 “AQS-17” qurğusu, 4 qumbaraatan, 4 avtomat, 1 tank əleyhinə mina, 16 əl qumbarası, 16 partladıcı vasitə, 4 avtomat darağı və 1400 patron tapılıb. Onlar aidiyyəti üzrə təhvil verilib.
Oxşar hadisə oktyabrın 15-də qeydə alınmışdır. Rayonun Məmməddərə kəndində ermənilərin tərk etdiyi hərbi mövqelərdən 28 qəlpəli top və 2 tank mərmisi aşkar edilmişdir.
