Yaşayış binalarında tutumu 50 nəfərdən çox olan uşaqlar üçün dərnək və əyləncə zallarının yerləşdirilməsinə icazə verilməyəcək. Həmçinin yaşayış binalarında yerləşən məktəbəqədərlər təhsil müəssisələrinin tutumu 150 yerdən artıq olmamalıdır. Bu barədə Dövlət Şəhərsalma və Arxitektura komitəsinin kollegiyasının qərarına istinadən 13 dekabr tarixində Apa məlumat verib.
Normalara əsasən, yaşayış binalarının kürsülük və zirzəmi mərtəbələrində tezalışan və yanar mayelərin və mayeləşdirilmiş qazların (zirzəmilərdə isə həmçinin təbii qazların), partlayıcı maddələrin, yanacaq materiallarının saxlanması, emal olunması və müxtəlif qurğularda istifadə olunması üçün nəzərdə tutulmuş otaqların; uşaqlar üçün məşğələ, dərnək və əyləncə otaqlarının müəyyən olunmuş saydan çox tutumu olan zalların yerləşdirilməsinə yol verilmir.
Yaşayış binasının sonuncu mərtəbəsində rəssam və memarlar üçün emalatxanalar, həmçinin işçilərin sayı 5 nəfərdən çox olmayan ofis otaqları yerləşdirilə bilər.
