İctimai iaşə obyektləri 2021-ci il 31 dekabr saat 00:00-dan etibarən 2022-ci il 1 yanvar saat 02:00-dək fəaliyyət göstərəcək. Bununla bağlı dekabrın 11-də qərar imzalanıb.
Qərarda Yeni il bayramı ilə əlaqədar şənlik mərasimlərinin keçirilmə qaydaları da qeyd olunub:
- Mərasimdə qonaqların ümumi sayı 150 nəfərdən çox olmamalıdır;
- Şənliyin yaşı 18-dən yuxarı bütün qonaqları COVID-19-a qarşı ən azı 2 doza peyvənd olunmalı və ya immunitet sertifikatına malik olmalıdırlar. Bu qaydalara riayət edilərsə, tibbi maskadan istifadə məcburi deyil;
- Xidmət göstərən heyətin (musiqiçilər istisna olmaqla) tibbi maskalardan, əlcəklərdən və digər fərdi qoruyucu vasitələrdən istifadəsi məcburidir;
- Məkanın sahibi həmin obyekt daxilində fəaliyyət göstərən tədbir zalları, onların tutumu və çalışan işçi heyət barədə, habelə şənlik mərasiminin keçirilməsi tarixinə ən azı 5 gün qalmış mərasimin başlama və bitmə vaxtı (saat 02:00-dan gec olmamaqla), qonaq sayı haqqında məlumatları “icaze.e-gov.az” portalına daxil etməlidir.
Bu tələblər pozularsa, şənlik mərasimlərinin keçirilməsi qadağandır.
