Bugün, dekabrın 16-da "Yeni Klinika”nın sabiq direktoruna cəza verilib. Hökmə əsasən, Pərviz Abbasov 8 il 6 ay müddətinə azadlıqdan məhrum edilib. Bu haqda Report məlumat yayıb.
Həmçinin “Buta” klinikasının həkim-radioloqu Qalib Nəcəfova, Qida Təhlükəsizliyi İnstitutunun baytar həkimləri Əvəz Hüseynova və Samir Mirzəyevə 8 illik, Avrasiya Klinikasının meneceri Vüsalə Əliyevaya isə şərti cəza verilib.
Elan edilib ki, təqsirləndirilən V.Əliyeva 2 il, digərləri isə 3 il dövlət orqanlarında vəzifə tuta bilməzlər.
Pərviz Abbasov adıçəkilənlər ilə əlbir olaraq COVID-19 xəstələrinin tibb müəssisəsinə yerləşdirilməsi müqabilində onların yaxınlarından hər bir xəstə üçün 3000-4500 manat alıb. Sözügedən şəxslər “rüşvət alma” maddələri ilə ittiham olunub.
