Novruz tətilini uşaqları ilə səmərəli və əyləncəli keçirmək istəyən valideynlər üçün İnsanoid araşdırma aparıb.
“Novbahar” musiqili tamaşası DTX-nın Mədəniyyət Mərkəzində saat yarım davam etməklə 18-19 mart tarixlərində baş tutacaq. Biletin qiyməti 10-25 AZN təşkil edir. Müzikl Novruz və Bayram qardaşlarının macəraları haqqındadır.
Martın 18-dən 24-dək davam edəcək “Sehrli Buta” tamaşasına biletin qiyməti 10 AZN-dir. Tamaşa Akademik Milli Dram Teatrında təqdim ediləcək.
“Olimpik Star” əyləncə mərkəzində yerləşən və yeni təmirdən çıxan “Jungle Park”da 18 - 27 mart tarixlərində balaca qonaqlar üçün hər gün axşam saat 17:00-da tədbirlər keçiriləcək. Giriş ödənişsizdir. Öncədən rezerv mütləqdir. Tədbirdə sehrbaz, Kosa və Keçəl, Bahar qızı, “Panda Şou” və “Fakel Şou” olacaq.
Qara Qarayevdə yerləşən “Minions” əyləncə mərkəzində martın 22-23-24-də “Novruz bayramı” adlı tədbir keçiriləcək. Tədbir hər gün saat 18:00-da başlayacaq. Giriş üçün qiymət 12 AZN-dir. Böyüklərə giriş pulsuzdur. Şənlikdə müxtəlif şou proqramlar təqdim olunacaq, Kosa və Keçəl iştirak edəcəklər.
“Aygün” uşaq əyləncə mərkəzi “Aygün Mall”da yerləşir. Burada martın 16-dan 26-na kimi uşaqlar üçün şou proqram pulsuzdur. Tədbir hər gün saat 15:00-da başlayır. Uşaqlar Kosa və Keçəl, Kloun, “Panda Şou”, “Köpük Şou” və “Alov Şou” ilə əyləndirilir.
Martın 24-də saat 15:00-da Niagara şadlıq sarayında “Saxa kids master klass” baş tutacaq. Biletin qiyməti bir uşaq və bir valideyn üçün nəzərdə tutularaq 25 AZN təşkil edir. Ödənişə milli geyimlər, foto zona və müxtəlif oyunlar daxildir. Burada tonqal qalanacaq, Keçəl, Kosa və Bahar qızı balaca qonaqları əyləndirəcəklər.
“Zaqulba Mall”da yerləşən “Oppalar” uşaq əyləncə mərkəzində saat 17:00-da başlamaqla martın 19-dan 22-dək balacalar üçün ödənişsiz tədbirlər keçiriləcək.
“Port Baku Mall” martın 20-24 tarixlərində hər kəsi pulsuz şənliyə dəvət edir. Tədbir saat 15:00-dan 17:00-dək davam edəcək. Uşaqlar üçün müxtəlif müsabiqələr və əyləncə dolu şənliklər təşkil olunacaq.
