2021-ci ildə Zaqatala arıçılarına dövlət büdcəsindən hər arı ailəsinə 10 manat hesabı ilə 346 min manatdan çox subsidiya ödənilib. Bu haqda 21 dekabrda Zaqatala Dövlət Aqrar İnkişaf Mərkəzinə istinadən Azərtac xəbər verib.
Məlumata əsasən, rayonda 1514 təsərrüfatçı arıçılıqla məşğul olur və onların 34 635 aktiv arı ailəsi var. Cari ildə arıçılıq təsərrüfatlarının sayı əvvəlki illə müqayisədə 69 təsərrüfat, arı ailələrinin sayı isə 2618 ailə artıb.
Zaqatalada il ərzində 320 tonadək bal, 45 ton mum, 500 kiloqram çiçək tozu, 200 kiloqram vərəmum, 15 kiloqramadək arı südü istehsal edilir.
