Aprelin 17-də Zaqatalada kişi həyat yoldaşını qətlə yetirib, daha sonra özü də intihar edib. Bu barədə Baş Prokurorluq məlumat yayıb.
Hadisə Yuxarı Çardaqlar kəndində baş verib. 37 yaşlı Qılman Həsənov şəxsi münasibətlər zəminində kəsici alətlə həyat yoldaşı, 37 yaşlı Xavər Həsənovanın boğazını kəsərək qətlə yetirib. Daha sonra Q.Həsənov həmin alətlə öz boğazını kəsərək intihar edib.
APA-dan verilən məlumata görə, qətlə yetirilən X.Həsənova yaşadığı kənd məktəbində ibtidai sinif müəlliməsi işləyirdi. Həyat yoldaşı Q.Həsənovun yaxınlarda uzun müddət işlədiyi Rusiyadan qayıtdığı bildirilir. Ailənin iki azyaşlı övladı var.
Faktla bağlı cinayət işi başlayıb, araşdırma aparılır.
