Bakıda Nəsimi rayonu Dilarə Əliyeva küçəsində çalışdığı evdən oğurluq edən xəstə baxıcısı 5 il müddətinə azadlıqdan məhrum edilib. Bu haqda iyunun 10-da Qafqazinfo məlumat yayıb.
Qadın ötən il evdə təmizlik edərkən yataq otağındakı dolabdan 178 000 manat dəyərində pul və qızıl-zinət əşyalarını oğurlayıb.
Məhkəmədə zərərçəkmiş şəxs ona dəymiş ziyanın ödənildiyi üçün şikayətçi olmayıb.
Cinayəti törədən qadının həyat yoldaşı da bıçaqlanma hadisəsinə görə hazırda həbsdədir.
