Şirvan şəhərinin 18 yaşlı sakini elektrik cərəyanı vurması nəticəsində həlak olub. Bununla bağlı cinayət işi başlanılıb. Bu haqda iyunun 3-də Baş Prokurorluq məlumat paylaşıb.
Mayın 21-i saat 07:00 radələrində Şirvan sakini N.Tusi küçəsində yağışlı havada transformatora yaxın dəmir dayağın söykənəcəyindən tutan zaman onu elektrik cərəyanı vurub. Nəticədə gənc həlak olub.
Faktla bağlı “səhlənkarlıq, ehtiyatsızlıqdan zərərçəkmiş şəxsin ölümünə və ya digər ağır nəticələrə səbəb olduqda” maddəsilə cinayət işi başlanılıb.
