Tovuzda doğuşdan 19 gün sonra gənc ana həyatını itirib. Bu barədə oktyabrın 18-də APA xəbər verib.
Belə ki, sentyabrın 28-də rayonun Alakol kənd sakini, 2004-cü il təvəllüdlü Z.Əliyeva rayon Mərkəzi xəstəxanasına doğuş üçün gətirilib. Qadın xəstəxanada oğlan uşağı dünyaya gətirib.
Doğuşdan sonra ananın vəziyyəti ağırlaşdığına görə müalicə üçün Bakıya aparılıb. Bir neçə gün sonra vəziyyəti yaxşılaşan qadın yaşadığı evə gətirilib. Lakin ötən gün yenidən halı pisləşən 18 yaşlı ana ağır vəziyyətdə Tovuz Mərkəzi xəstəxanasına çatdırılıb və orada keçinib.
Hazırda faktla bağlı Tovuz rayon prokurorluğunda araşdırma aparılır.
