Bakı və Göyçay Peşə Hazırlığı Mərkəzlərində 200-ə yaxın işsiz şəxs üçün peşə hazırlığı kursları təşkil olunub. Bu haqda Əmək və Əhalinin Sosial Müdafiəsi Nazirliyindən iyunun 4-də məlumat verilib.
Kurs iştirakçıları qənnadıçı-şirniyyatçı, alətçi-çilingər, dərzi, dayə, mobil telefonların təmiri ustası, bərbər, minaaxtaran və digər peşələrə yiyələnirlər. Onlara nəzəri biliklər tədris edilməklə yanaşı, təcrübə keçmələrinə də şərait yaradılır.
Kursun sonunda imtahanları keçən məzunlara sertifikatlar verilir və işlə təmin olunmalarına dəstək göstərilir. Peşə hazırlığı müddətində müdavimlərə minimum aylıq əməkhaqqı məbləğində aylıq təqaüd də verilir.
