2021-ci ilin yekunlarına əsasən Bakı Limanında 5 milyon ton yükün aşırılması planlaşdırılır. Bu barədə 7 dekabr tarixində limanın baş yük terminalının rəisi Elxan Babayev Trend-ə deyib.
Onun sözlərinə görə, quru yük terminalının ərazisində 1,2 min konteyner saxlamaq imkanı var. Limanın ümumi yükaşırma gücü 15 milyon ton təşkil edir. “Bundan başqa, quru yük terminalında 8 yük kranı quraşdırılıb. Onlardan ikisi 80 ton, ikisi 40 ton, dördü isə 30 tonluqdur", - deyə o, bildirib.
Elxan Babayev qeyd edib ki, konteyner yükləri limana əsasən Çindən gəlir və tranzitlə bir sıra ölkələrə, o cümlədən İtaliya, Özbəkistan, İspaniyaya yola salınır.
Ələt qəsəbəsində yerləşən Bakı Limanı 2018-ci ildə açılıb. Bakı Limanı Xəzər dənizində ən böyük limandır.
