İşğaldan azad edilmiş rayonlara ilk turistik marşrut Ağdama olacaq. Marşrutun açılışı 2022-ci ilə nəzərdə tutulub. Bunu dekabrın 7-də turizm Bürosunun İdarə Heyətinin sədr müavini Bəhruz Əsgərov deyib.
Onun sözlərinə görə, marşrut təsdiqləndikdən sonra onlayn bilet satışına başlanılacaq. Turistlərə xüsusi göstərişlər verilmiş bələdçilər təyin olunacaq, onlara görməli və gəzməli yerlər barəsində məlumat veriləcək.
Turistlər toplama məntəqəsi, ziyarət edə biləcəkləri yerlər və digər məlumatlar haqqında məlumat alacaqlar. “Bakıdan uzaq yolu nəzərə alsaq, çox güman ki, Ağdam turu birbaşa Ağdamdan başlayacaq”, - deyə Əsgərov qeyd edib. Ağdam marşrutu Qarabağda ilk olacaq. Daha sonra digər azad edilmiş rayonlar da analoji turların açılması nəzərdə tutulur.
