2030-cu ilədək müharibə əlilləri və şəhid ailələri mənzillə təmin ediləcək
Azərbaycan Respublikasının Prezidenti İlham Əliyev 13 may 2025-ci il tarixində “Azərbaycan Respublikasının ərazi bütövlüyünün, müstəqilliyinin və konstitusiya quruluşunun müdafiəsi ilə əlaqədar əlilliyi müəyyən edilmiş şəxslərin və şəhid ailələrinin sosial-məişət şəraitinin yaxşılaşdırılması ilə bağlı bir sıra tədbirlər haqqında” 2021-ci il 25 yanvar tarixli 2449 nömrəli sərəncama dəyişiklik edib.
İnsanoid.com President.az saytına istinadən Sərəncamdakı dəyişikliyi nəzərinizə çatdırır.
Sərəncama əsasən, həmin sənədin 1-ci və 3-cü hissələrindəki “2025-ci” ifadəsi “2030-cu” sözü ilə əvəz olunub.
Bu dəyişiklik şəhid ailələrinin və müharibə əlillərinin sosial rifahının yaxşılaşdırılması istiqamətində həyata keçirilən dövlət proqramlarının daha uzunmüddətli olmasını təmin edir.
