28 may 1918-ci ildə yaradılan Azərbaycan Xalq Cümhuriyyətinin hökuməti mövcud olduğu 23 ay ərzində ordu quruculuğu sahəsində bir çox tədbirlər görüb. Həmin vaxtlar erməni daşnakları Azərbaycan torpaqlarında yerli əhaliyə qarşı soyqırımlar törədirdi. Bu vəziyyət isə hökumətdən ordu quruculuğuna diqqət yetirməyi tələb edirdi.
AXC-nin hökuməti 26 iyun 1918-ci ildə ilk hərbi hissə - Əlahiddə Azərbaycan korpusu yaratdı. Beləliklə, Azərbaycan Milli Ordusunun yaradılmasına başlanıldı. 1 avqust 1918-ci ildə AXC-nin Hərbi Nazirliyi təsis edildi.
Qısa müddətdə Milli Ordu Qafqaz İslam Ordusu ilə birlikdə Bakını və ətraf qəzaları erməni-bolşevik işğalından xilas etdi. Həmçinin Muğanda və Əsgəranda milli hökumətə qarşı baş vermiş qiyamları yatırdı.
28 aprel 1920-ci ildə AXC-nin süqutundan sonra bolşevik hökuməti Milli Ordunu ləğv etdi. Onun rəhbərlərinin bir çoxu güllələndi.
9 oktyabr 1991-ci ildə Azərbaycan Ali Soveti tərəfindən Milli Ordunun yaradılması haqqında qanun qəbul edilib.
Prezident Heydər Əliyevin 22 may 1998-ci il tarixli Fərmanına əsasən, 26 İyun Silahlı Qüvvələr Günü elan edilib.
Mənbələr:
