İlk dəfə olaraq soya sahələrinin sığortasına başlanılıb. Bu barədə 16 may tarixində Aqrar Sığorta Fondu məlumat verib.
Məlumata əsasən, soya sahələri üzrə baza sığorta zərfi ilə sığorta tarifi ölkənin regionlarından asılı olaraq 2,14% -5,06% arasında dəyişir. Sözügedən bitkinin ən çox əkildiyi Şəki-Zaqatala bölgəsində sığorta tarifi 5,06%-dır.
Qeyd olunub ki, hesablanan sığorta haqqının 50%-i dövlət tərəfindən ödənilir. Azadolma məbləği isə 10% təşkil edir.
Bildirilib ki, fermerlər əkin sahələrinin sığortası üzrə sığorta haqlarını və ödənişləri Aqrar Sığorta Fondunun rəsmi internet səhifəsində «Bitkiçilik kalkulyatoru» bölməsində hesablaya bilərlər.
