2022-ci ilin yanvar-aprel aylarında dəyəri ümumilikdə 78 milyon AZN təşkil edən 2 ton 492 kiloqramdan çox müxtəlif növ narkotik və psixotrop maddələr qanunsuz dövriyyədən çıxarılıb. Bu haqda mayın 20-də Report Narkomanlığa və Narkotik Vasitələrin Qanunsuz Dövriyyəsinə Qarşı Mübarizə üzrə Dövlət Komissiyasına istinadən məlumat paylaşıb.
Müsadirə edilmiş narkotiklərin 829 kiloqramı Azərbaycana qaçaqmalçılıq yolu ilə gətirilib.
Sözügedən dövrdə narkotik satışı üzrə 3 961 cinayət faktı qeydə alınıb, 2 353 nəfər məsuliyyətə cəlb edilib. Saxlanılan şəxslərin 36-sı xarici ölkə vətəndaşıdır.
