Azərbaycan Avtomobil Yolları Dövlət Agentliyi tərəfindən ötən müddət ərzində 45 mindən çox şəxsə işğaldan azad olunmuş ərazilərimizdə işləmək üçün icazələr alınıb. Bu barədə 21 iyun tarixində qurumun rəsmi səhifəsində məlumat verilib.
İcazə alanların 38 726 nəfəri Azərbaycan, 6 808 nəfəri isə Türkiyə vətəndaşıdır. İcazələr Qarabağda aparılan yol infrastrukturu layihələrində işə cəlb olunmaq üçün verilib. Məlumata əsasən, işçi qüvvəsinə ehtiyac yarandığı zaman yeni işçilərlə bağlı icazələrin alınması prosesi davam etdirilir.
Qeyd edək ki, qarşıdakı 20 ildə Azərbaycanın işğaldan azad edilmiş ərazilərində uzunluğu 1 500 kilometrə yaxın yollar inşa ediləcək.
