Azərbaycan Avtomobil Yolları Dövlət Agentliyi (AAYDA) Şükürbəyli - Cəbrayıl - Hadrut avtomobil yolunun tikintisini 87 faiz yerinə yetirib. Bu barədə bu gün, 13 oktyabr tarixində İnsanoid agentliyə istinadən məlumat verir.
Agentlikdən qeyd edilib ki, yolun tikintisinin 2023-cü ilin sonuna qədər tam başa çatdırılması planlaşdırılır.
Uzunluğu 39,7 km olan yeni yol Hacıqabul - Horadiz - Ağbənd - Zəngəzur avtomobil yolunun bir hissəsindən başlayaraq və Cəbrayıl rayonunun Şükürbəyli kəndindən keçərək Xocavənd rayonunun Hadrut kəndində bitir.
Yol I texniki dərəcəyə uyğun tikilib və 4 hərəkət zolaqlıdır. Yolun hərəkət hissəsinin eni 14 metrdir.
Yol işğaldan azad edilmiş Xocavənd, Füzuli və Cəbrayıl rayonlarının ərazisindən keçməklə ümumilikdə bu rayonların 20-yə yaxın yaşayış məntəqəsini, o cümlədən Hadrut və Cəbrayıl şəhərlərini əhatə edəcək.
Daha öncə, 2022-ci il oktyabrın 19-da Azərbaycan Prezidenti İlham Əliyevin iştirakı ilə Şükürbəyli-Cəbrayıl yolunun 14,2 km, 2023-cü il mayın 5-də isə 8,2 km olan hissəsi istifadəyə verilib.
